ԵԱՀԿ ՄԽ համանախագահը հեռախոսազրույց է ունեցել Ադրբեջանի ԱԳ նախարարի հետ
ԵԱՀԿ ՄԽ համանախագահները շատ շուտով հանդես կգան առաջարկով, որի նպատակն է Հայաստանին ու Ադրբեջանին քաղաքական երկխոսության վերադարձնելը: Այս մասին Ադրբեջանի ԱԳ նախարար Ջեյհուն Բայրամովի հետ զրույցում հայտնել է ԵԱՀԿ Մինսկի խմբի ֆրանսիացի համանախագահ Ստեֆան Վիսկոնտին:
Վիսկոնտին ցավ է հայտնել ստեղծված իրավիճակի կապակցությամբ և ընդգծել հրադադարի ապահովման կարևորությունը: Նա կոչ է արել պահպանել կրակը դադարեցնելու մասին մոսկովյան համաձայնության պայմանները և նշել, որ միջազգային միջնորդները կարճ ժամկետներում հանդես կգան կողմերին քաղաքական երկխոսության վերադարձնելու առաջարկներով:
