Շոյգուն Հայաստանի և Ադրբեջանի պաշտպանության նախարարների հետ քննարկել է Ղարաբաղում առկա իրավիճակը
ՌԴ պաշտպանության նախարար Սերգեյ Շոյգուն չորեքշաբթի երեկոյան հեռախոսազրույցներ է ունեցել Հայաստանի և Ադրբեջանի պաշտպանության նախարարների Դավիթ Տոնոյանի և Զաքիր Հասանովի հետ: Այս մասին հայտնում է ТАСС գործակալությունը՝ հղում անելով ՌԴ ՊՆ-ին:
«Բանակցությունների ընթացքում քննարկվել է Լեռնային Ղարաբաղում տիրող իրավիճակը»,- լրագրողներին հայտնել են գերատեսչությունից:
Հիշեցնենք, որ սեպտեմբերի 27-ին Ադրբեջանի զինուժը լայնածավալ հարձակում է սկսել Արցախում՝ թիրախավորելով նաև խաղաղ բնակչությանը։
