Կրեմլում տեղեկություններ չունեն Երևանում ռուսական ինքնաթիռի վայրէջքի վերաբերյալ

ՌԴ նախագահի մամուլի քարտուղար Դմիտրի Պեսկովը հայտարարել է, որ տեղեկություն չունի այն մասին, որ Երևանում, իբր, վայրէջք է կատարել «Ռոսիա» հատուկ թռիչքային ստորաբաժանման ինքնաթիռը: 

«Ոչ, չէր կարող, ես այդպիսի տեղեկատվություն չունեմ», - լրագրողներին ասել է Պեսկովը ՝ պատասխանելով հարցին, թե Կրեմլը կարո՞ղ է մեկնաբանել այս ինքնաթիռի Երևան ժամանման մասին լուրերը:

 ԵԱՏՄ միջկառավարական խորհրդի նիստի նախապատրաստական աշխատանքները շարունակվում են, և դրա շրջանակներում Հայաստան են այցելում նախապատրաստական խմբեր: Այս մասին տեղեկացրեց ՀՀ ԱԳՆ մամուլի խոսնակ Աննա Նաղդալյանը:

ԵԱՏՄ միջկառավարական խորհրդի նիստը Երևանում անցկացվելու է հոկտեմբերի 9-ին։

Համացանցում տարածվում է օդանավերի շարժին հետևելու հնարավորություն տվող Flight Radar24-ից տեղեկություն այն մասին, որ Հայաստան է ուղևորվել ռուսական կառավարական ինքնաթիռ. տրվում են տարատեսակ մեկնաբանություններ՝ այցը կապելով ԼՂ հակամարտության գոտու իրավիճակի հետ: