Չեմ հաստատել ՌԴ նախագահին սպասարկող ինքնաթիռի՝ ՀՀ վայրէջք կատարելու մասին տեղեկությունը. Մանե Գևորգյան

ՀՀ վարչապետի խոսնակ Մանե Գևորգյանը ֆեյսբուքյան իր էջում նշել է.

«Ցանկանում եմ պարզաբանել, որ ես չեմ հաստատել ՌԴ նախագահին սպասարկող ինքնաթիռի՝ ՀՀ վայրէջք կատարելու մասին տեղեկությունը։ Ես հաստատել եմ, որ հատուկ բորտ է վայրէջք կատարել «Զվարթնոց» օդանավակայան։ Լրագրողը, ով հրապարակել էր ՌԴ առաջին բորտի մասին հրապարակումը իմ մեկնաբանմամբ, արդեն հեռացրել է այն»։

Հիշեցնենք, որ Ռուսաստանից հատուկ ինքնաթիռ է ժամանել Երևան, այս մասին  Auroranews-ին հայտնեց ՀՀ վարչապետի մամուլի խոսնակ Մանե Գևորգյանը։

Վարչապետի խոսնակը, սակայն, չմանրամասնեց, թե ովքեր ու ինչ ծրագրով են ժամանել Հայաստան։