Բոլորս Հայաստանի համար խաղաղություն ենք ցանկանում.Էլթոն Ջոն
Հանրահայտ երգիչ Էլթոն Ջոնը Ինստագրամյան իր էջում հրապարակել է հայտնի կարմիր ֆոնով լուսանկարը․
«Ես այսօր նույնպես միանում եմ բոլորին՝ տարածելու կարմիր լուսանկարը, քանի որ բոլորս Հայաստանի համար խաղաղություն ենք ցանկանում: 2018 թվականի մայիսին ես այցելեցի այս գեղեցիկ երկիր և պարզապես ցնցված էի հայ ժողովրդի՝ իմ հանդեպ ցուցաբերած բարությունից և մարդկային վերաբերմունքից: Այժմ Հայաստանը և Արցախը թուրք-ադրբեջանական ագրեսիայի զոհն են: Խաղաղ բնակչությունը թիրախավորվում է, և երկու կողմերից էլ մահեր են գրանցվում: Հայերը գեղեցիկ ժողովուրդ են, և նրանք պատմական հալածանքներից հետո այժմ արժանի են տևական խաղաղության»,֊լուսանկարը մակագրել է Էլթոն Ջոնը։
