Ադրբեջանը Հայաստանի հետ հակամարտության ժամանակ կիրառել է LORA տեսակի իսրայելական հրթիռ. Jerusalem Post
Իսրայելական Jerusalem Post պարբերականը տեսանյութ է հրապարակել՝ ներկայացնելով, թե ինչպես է ադրբեջանական զինուժն իսրայելական LORA տեսակի հրթիռ կիրառում Արցախում, ինչի արդյունքում կամուրջ է ավերվել:
Աղբյուրը նշում է, Ադրբեջանն առաջին և միակ հաստատված պետությունն է, որին Իսրայելը մատակարարել է LORA տեսակի հրթիռներ՝ 2018 թվականին կնքված գործարքի շրջանակներում:
LORA (LOng Range Attack)-ն հեռահար կիսաբալիստիկ հրթիռ է, որը ստեղվել է իսրայելական խոշորագույն Israel Aerospace Industries արտադրողի կողմից: Այն կարող է արձակվել ծովից կամ ցամաքից: Հրթիռի հեռահարությունը 400 կմ է: Այն թիրախին հասնում է արձակվելուց 10 րոպե անց:
