Շուրջ 5000 մոսկովյան ընկերություններ կանցնեն աշխատանքի հեռավար ռեժիմի
Մոսկվայի շուրջ 5000 խոշորագույն ընկերությունների խորհուրդ են տվել անցնել աշխատանքի հեռավար ռեժիմի: Այս մասին գրում է «ՌԻԱ Նովոստի» գործակալությունը` հղում տալով Մոսկվայի քաղաքապետի մամուլի ծառայության ղեկավարի առաջին տեղակալ Բորիս Բուլային:
«Քայլը նպատակ ունի հնարավորինս սահմանափակել մարդկանց շփումը, և ուղղված է քաղաքացիների անվտանգության ապահովմանը»,-հայտարարել է գործակալության զրուցակիցը:
Ռուսաստանում, վերջին տվյալներով, գրանցվել է կորոնավիրուսով վարակման 1 128 836 և մահվան գրեթե 20 000 դեպք:
