ԿԳՄՍ նախարարի հրաժարականի պահանջով՝ ԼՀԿ-ն ակցիա է կազմակերպել

ՀՀ Ազգային ժողովի դիմաց այսօր՝ սեպտեմբերի 16-ին, բողոքի ակցիա է իրականացվում՝ ԿԳՄՍ նախարար Արայիկ Հարությունյանի հրաժարականի պահանջով։

Բողոքի ակցիան աջակցություն է ԱԺ լիագումար նիստում  «Լուսավոր Հայաստան» խմբակցության կողմից ներկայացվող  ԿԳՄՍ նախարար Արայիկ Հարությունյանի  հրաժարականի պահանջի։
Նշենք, որ նախօրեին ԱԺ-ում ճեպազրույցների ժամանակ ԱԺ «Լուսավոր Հայաստան» խմբակցության պատգամավորները նշում էին, որ իրենց պահանջին համաձայն քաղաքական ուժերն ու անհատները կարող են միանալ իրենց ակցիային։
Նախարարի հրաժարականի պահանջի առիթ են դարձել դպրոցական առարկայացանկում արված փոփոխությունները։