Այս տարի Երևանի քաղաքապետարանը 500 վերելակ է փոխարինելու
Երևանի քաղաքապետարանի տեղեկատվության վարչության պետ Հովսեփ Կուբատյանը Ֆեյսբուքի իր էջում տեղեկացնում է․
«Այս տարի Երևանի քաղաքապետարանը 500 վերելակ է փոխարինելու։ Անկախությունից ի վեր վերելակների փոխարինում գրեթե չէր իրականացվել։ Փոխարինվել էր շուրջ 20 վերելակ։
Այս պահին արդեն տեղադրվել է 134 վերելակ, որոնցից 70-ը արդեն հանձնված է շահագործման։ Աշխատանքներն ակտիվ շարունակվում են»:
