Գյումրու Գորկու այգու մոտ դանակով կտրել են 23-ամյա տղայի պարանոցը

Երեկ Գյումրի ԲԿ դիմած քաղաքացու առողջական վիճակը գնահատվել է բավարար. բուժօգնություն ստանալուց հետո  23 ամյա երիտասարդը  դուրս է գրվել հիվանդանոցից։

«Քաղաքացին բժշկական կենտրոն է դիմել երեկ 23։40-ի սահմաններում։ Առաջնային բուժզննությունից հետո նրա մոտ ախտորոշվել է պարանոցի առաջնային հատվածի մաշկի և ենթամաշկի  կտրվածքներ։ Ցուցաբերվել է առաջնային բուժօգնություն, կար է դրվել, որից հետո երիտասարդը, ոստիկանների ուղեկցությամբ, դուրս է եկել բուժհաստատությունից»,- այս մասին փոխանցում է Գյումրի ԲԿ-ի փոխտնօրեն Արմեն Խաչատրյանը:

Հիշեցնենք, որ երեկ երեկոյան Գյումրիի կենտրոնական «Գորկայի» այգու մոտակայքում դանակով թիկունքի կողմից կտրել են 1997 թվականին ծնված Ա․Ս-ի պարանոցը։ Ըստ շրջանառվող լուրերի՝ դեպքը տեղի է ունեցել միջանձնային հարաբերությունների պատճառով։ Նշանակվել է դատաբժշկական փորձաքննություն, հանգամանքները պարզվում են։