ՏԵՍԱՆՅՈՒԹ. Մինսկի Անկախության հրապարակում 9-րդ օրն անընդմեջ հազարավոր ցուցարարներ են հավաքվում
Բելառուսում ընդդիմության կողմնակիցները հավաքվել են Մինսկի Անկախության հրապարակում:
Ինչպես փոխացնում է РИА Новости-ն, հավաքվածները բողոքական երգեր են երգում և կարգախոսներ հնչեցնում: Թղթակցի գնահատմամբ՝ հրապարակում մի քանի հազար մարդ է հավաքվել:
Հիշեցնենք, որ Բելառուսում բողոքի ցույցերն անցկացվում են 9-րդ օրն անընդմեջ: Քաղաքացիներն իրենց դժգոհությունն են հայտնում օգոստոսի 9-ին կայացած նախագահական ընտրությունների արդյունքներից, որոնց համաձայն՝ հաղթող է ճանաչվել երկրի գործող նախագահ Ալեքսանդր Լուկաշենկոն:
Պաշտոնական տվյալներով՝ ցույցերի առաջին օրերին ավելի քան 6,7 հազար մարդ է ձերբակալվել։ Ինչպես հաղորդել է հանրապետության ՆԳՆ-ն, անկարգությունների ընթացքում տուժել են հարյուրավոր մարդիկ, այդ թվում՝ իրավապահ մարմինների ավելի քան 120 աշխատակիցներ:
