3 տոննա խոտի հակով բարձված կցորդիչը կողաշրջվել է

Երեկ՝ օգոստոսի 11-ին, արտակարգ դեպք է տեղի ունեցել Արարատի մարզում։ Ժամը 23։10-ի սահմաններում Երևան-Երասխ ավտոճանապարհի 40 կմ հատվածում դեռևս անհայտ հանգամանքներում «ԶԻԼ» մակնիշի բեռնատարին ամրացված կցորդիչը, որը բարձված է եղել մոտ 3 տոննա խոտի հակով, կողաշրջվել է։ Ինչպես տեղեկացնում է SHAMSHYAN.com-ը, ըստ նախնական տեղեկությունների՝ տուժածներ չկան, սակայն թափված խոտը փակել էր ճանապարհը և երթևեկությունը դարձել էր անանցանելի։ Օպերատիվորեն դեպքի վայր են ժամանել Ճանապարհային ոստիկանության 2-րդ սպայական գումարտակի 1-ին վաշտի 2-րդ դասակի ծառայողները։ Քաղաքացիներն իրենց ուժերով կարճ ժամանակում տարածքը մաքրել են թափված խոտից, այդ ընթացքում էլ տեղում ուժեղացված ծառայություն են կատարել ճանապարհային ոստիկանները։ Կողաշրջված կցորդիչը դարձի է բերվել և տեղափոխվել անվտանգ վայր։

Քաղաքականություն

Պատահարներ