ՏԵՍԱՆՅՈՒԹ. Բեյրութում պայթյունի ժամանակ հարսանեկան ֆոտոսեսիա իրականացնող ևս մեկ զույգ է եղել
Լիբանանի մայրաքաղաք Բեյրութում տեղի ունեցած սարսափելի պայթյունից հետո համացանցում տարածվել է մի տեսանյութ, որն արվել է պայթյունի առաջին վայրկյաններին: Դրանում ամուսնական զույգն իր հարսանեկան արարողության համար ֆոտոսեսիա է իրականացնում, երբ վրա է հասնում հզոր պայթյունը։
Կադրերում երևում է՝ ինչպես է պայթյունից անմիջապես հետո խառնաշփոթ առաջանում, զույգն արագ փորձում է հեռանալ դեպքի վայրից՝ չպատկերացնելով, թե ինչ է իրականում տեղի ունեցել։
Նշենք, որ սա նմանատիպ արդեն երկրորդ տեսանյութն է, որը լայն տարածում է գտել համացանցում:
Լիբանանի մայրաքաղաք Բեյրութում փորձում են ուշքի գալ օգոստոսի 4-ի երեկոյան որոտացած աղետալի պայթյունից:
