Լիբանանցիների մի մասը պահանջում է երկրի կառավարումը հանձնել Ֆրանսիային

Լիբանանի մոտ 60 000 բնակիչ մայրաքաղաք Բեյրութի նավահանգստում տեղի ունեցած հզոր պայթյունից հետո ստորագրել է խնդրագիր, որը կոչ է անում երկիրը կրկին հանձնել Ֆրանսիայի կառավարմանը, հայտնում է Al Arabiya-ն:

«Լիբանանի իշխանություններն ակնհայտորեն անընդունակ են պահպանել երկրի անվտանգությունն ու կառավարել այն: Մենք հավատացած ենք, որ Լիբանանը պետք է կրկին վերադառնա Ֆրանսիայի մանդատի ներքո, որպեսզի պարզ և ամուր կառավարում հաստատվի»,-ասվում է Ֆրանսիայի նախագահ Էմանուել Մակրոնին ուղղված խնդրագրում:

Խնդրագիրը հրապարակվել է չորեքշաբթի՝ Մակրոնի՝ Լիբանան կատարած այցի նախօրեին:

Մակրոնը ժամանել է Բեյրութ և այցելել պայթյունից տուժած շրջաններ, որտեղ բազմաթիվ լիբանանցիներ ողջունել են նրան՝ խնդրելով օգնել «կոռուպցիոն ռեժիմին վերջ տալուն», քանի որ իշխանություններին մեղադրում են երկիրն աղետի հասցնելու մեջ:

Ֆրանսիան Լիբանանի կառավարման մանդատը ստացել է 1923 թ., սակայն 1944 թ. հունվարին երկիրն անկախություն է ստացել, քանի որ Ֆրանսիան իր իշխանությունը փոխանցել է Լիբանանի կառավարությանը