Կրեմլում չեն իմացել Լուկաշենկոյի՝ կորոնավիրուսով վարակված լինելու մասին
Ռուսաստանի նախագահական աշխատակազմից հայտնել են, որ մինչ այս չեն իմացել Բելառուսի նախագահ Ալեքսանդր Լուկաշենկոյի՝ կորոնավիրուսով վարակվելու և հիվանդությունը «ոտքի վրա» անցկացնելու մասին։ Այս մասին հայտնում է «Գազետան»։
«Ամեն դեպքում, բոլոր ռուսաստանցիները, որոնց հետ նա շփվել է, ողջ-առողջ են»,- մեկնաբանել է Ռուսաստանի նախագահի մամուլի խոսնակ Դմիտրի Պեսկովը։
Մինչ այդ, հիշեցնենք, Լուկաշենկոն խոստովանել է, որ վարակված է եղել ու իր իսկ խոսքով՝ «ոտքի վրա» է անցկացրել հիվանդությունը։ Այս համատեքստում Ռուսաստանի նախագահի խոսնակը նաև հայտնել է, որ Վլադիմիր Պուտինի առողջությունը նորմալ է, նա ըստ անհրաժեշտության, անցնում է կորոնավիրուսի թեստավորում։
