Լուսարձակներ գողացած անձը դեպքից մեկ օր անց հայտնաբերվեց ու բերման ենթարկվեց. գողոնը չկա

 

Հունիսի 30-ին, ժամը 15-ի սահմաններում, օպերատիվ կառավարման կենտրոնից ոստիկանության Արաբկիրի բաժնում հաղորդում էր ստացվել, որ գողացել են Գյուլբենկյան փողոցի բակերից մեկում կայանված «Ֆոլքսվագեն Տուարեգ» մակնիշի մեքենայի լուսարձակները:

Օպերատիվ խումբը դեպքի վայր մեկնեց: Պարզվեց` գողությունը հունիսի 29-ի ժամը 13.30-ից մինչեւ հունիսի 30-ի ժամը 14.50-ն ընկած ժամանակահատվածում է կատարվել:

Համապատասխան արձանագրություններ կազմելուց հետո որոնողական աշխատանք սկսվեց:

Գողությունը կատարած անձի ինքնությունը պարզելու, նրան եւ գողոնը հայտնաբերելու ուղղությամբ ձեռնարկված միջոցառումներով պարզվեց, որ գաղտնի հափշտակությունը հնարավոր է կատարած լինի Մարգարյան փողոցի 30-ամյա մի բնակիչ:

Հուլիսի 1-ին կասկածվողը Հրազդանի կիրճից բերման ենթարկվեց ոստիկանության Արաբկիրի բաժին:

Նա տվել է խոստովանական բացատրություն:

Հանգամանքները պարզվում են:

Ձեռնարկվում են միջոցառումներ` գողոնը հայտնաբերելու ուղղությամբ:

Փաստի առթիվ նախապատրաստվում են նյութեր:

Քաղաքականություն

Պատահարներ