Իմանալով, որ բոլորը դահլիճում վարակակիր են, իսկ ես դեռ ոչ, կգամ քվեարկելու. Ալեն Սիմոնյան

Բազմաթիվ պատգամավորներ, որոնք պոտենցիալ կոնտակտավոր են, հայտարարել են, որ իրենք հանձնարարել են համապատասխան թեստը և իրենց մոտ բացասական արդյունք է եղել։ Այս մասին քիչ առաջ լրագրողների հետ ճեպազրույցում ասաց ԱԺ փոխնախագահ Ալեն Սիմոնյանը։

«Աստված մի արասցե՝ այնպես ստացվի, որ եթե Ազգային ժողովը պետք է որոշում ընդունի և  պատգամավորների գերակշիռ մասը վարակակիր լինի, ես կարծում եմ, որ, մենք լինելով ղեկավար մարմին, պետք է գանք  և քվեարկենք, օրինակ ես, իմանալով, որ բոլորը դահլիճում վարակակիր են, իսկ ես դեռ ոչ, կգամ քվեարկելու, դա իմ պարտականությունն է»,- ասաց Ալեն Սիմոնյանը։