ՍԱՏՄ-ն ստուգումներ է կատարել Լոռու, Տավուշի մարզերում և Երևանի Դավիթաշեն վարչական շրջանում
ՀՀ սննդամթերքի անվտանգության տեսչական մարմնի մասնագետներն այսօր կատարել են մշտադիտարկումներ Լոռու, Տավուշի մարզերում և Երևանի Դավիթաշեն վարչական շրջանում գործող սննդի շղթայի օպերատոր հանդիսացող տնտեսավարողների մոտ: Այս մասին հատնում են տեսչական մարմնից։
Կատարված անակնկալ այցերը ցույց են տվել, որ պարետի որոշումներով սահմանված նորմերը պահպանվում են ոչ լիարժեքորեն. մասնավորապես խախտվել են թե՛ դիմակները պատշաճորեն կրելու, թե՛ ձեռնոցների և դիմակների համար նախատեսված փակվող աղբամաններ ունենալու, թե՛ ախտահանման ու ջերմաչափման գրանցամատյանները ճշգրտորեն լրացնելու պահանջները:
Դրանց մասին արձանագրությունները կներկայացվեն պարետատուն:
