Մոսկվայում անցկացվել է Հաղթանակի 75-ամյակին նվիրված շքերթի գլխավոր փորձը
ՌԴ մայրաքաղաք Մոսկվայի Կարմիր հրապարակում այսօր անցկացվել է Հայրենական մեծ պատերազմում տարած հաղթանակի 75-ամյակին նվիրված շքերթի գլխավոր փորձը:
Ինչպես տեղեկացնում է «ՌԻԱ Նովոստի»-ն, այս մասին հայտնել են Ռուսաստանի Պաշտպանության նախարարության տեղեկատվության և զանգվածային հաղորդակցությունների վարչությունից:
ՌԴ ՊՆ Սերգեյ Շոյգուի խոսքով՝ շքերթին մոտ 14 հազար մարդ կմասնակցի: Նա նշել է, որ հիմնականում այդ մարդիկ կորոնավիրուսից իմունիտետ ունեցող զինծառայողներ են:
