Եվրոպական երկրները շարունակում են մեղմացնել կորոնավիրուսով պայմանավորված սահմանափակումները: Ինչպես հայտնում է BBC-ն, Անգլիան բացում է ոչ պարենային ապրանքների խանութները, Ֆրանսիան վերաբացում է սահմանները ԵՄ անդամ այլ երկրների հետ, իսկ Իսպանիան փորձնական ընդունում է առաջին զբոսաշրջիկներին Գերմանիայից: 

Այդ քայլի շրջանակում Իսպանիան Գերմանիայից կընդունի 11 հազար զբոսաշրջիկի: Նրանք հիմնականում Իսպանիա են մեկնում երկշաբաթյա հանգստի նպատակով: Իշխանությունները ցանկանում են հասկանալ, թե նոր կանոններն ու սահմանափակումներն ինչպես են յուրացնում զբոսաշրջային կազմակերպությունները:

Իսպանիան մտադիր է ամբողջությամբ զբոսաշրջիկների համար սահմանները բացել հուլիսի 1-ից: