Ի՞նչ կլինի Ծառուկյանի գործով կաշառք ստացած քաղաքացիների հետ. Անի Սամսոնյան

Հայաստանում քրեական հետապնդման ենթարկվում է ոչ միայն կաշառք տալը, այլև այդ կաշառքը ստանալը։ Այս մասին ԱԺ-ում հիշեցրեց  ԼՀԿ պատգամավոր Անի Սամսոնյանը գլխավոր դատախազին հարցնելով՝ արդյո՞ք պատասխանատվության կանչվել են կաշառք ստացած մարդիկ։

Դավթյանը նշեց, որ դեռ պատասխանատվության կանչվողներ չեն եղել, բայց լինելու են։ Նա բացատրեց, որ օրենսդրությունը նախատեսում է այդպիսի գործընթաց։ Սակայն ըստ դատախազի՝ հանրային վտանգավորության տեսանկյունից ընտրակաշառք տալու կազմակերպումն ավելի վտանգավոր գործ է։