Այսօր ուշ երեկոյան «Լուսավոր Հայաստանը» հրատապ նիստ է հրավիրել
Ոստիկանության բաժանմունքներ բերման ենթարկված քաղաքացիները լավ վիճակում են, ֆեյսբուքյան եթերով տեղեկացրեց ԼՀԿ քարտուղար Գևորգ Գորգիսյանը։
«Քաղաքացիների մեծ մասին բաց են թողել։ Ոստիկանական տեղամասերում նորմալ են վերաբերվել քաղաքացիներին», - ասաց նա։
Խմբակցության պատգամավոր Անի Սամսոնյանն էլ ավելացրեց, որ այսօր տեղի ունեցող իրադարձությունների համար հիմք են հանդիսացել ԲՀԿ հնչեցրած քննադատությունները։
«Լուսավոր Հայաստանն» այսօր հատուկ նիստ է գումարելու՝ քննարկելու երկրում տեղի ունեցող իրավիճակը։ Դրան պիտի տրվեն քաղաքական և իրավական գնահատականներ», - ասաց Սամսոնյանն՝ ընդգծեելով, որ այսօր իշխանությունը մեջտեղ է բերում օրակարգեր, որոնք կապ չունեն համավարակի հետ։
