Նորքի տուն ինտերնատում վարակվածներից մեկի վիճակն է ծանր, մյուսները լավ են

Նորքի տուն ինտերնատում կորոնավիրուսով վարակված հիվանդներից միայն մեկի վիճակն է ծանր, մյուսներն իրենց լավ են զգում, PanARMENIAN.Net ին ասաց ՀՀ աշխատանքի և սոցիալական հարցերի նախարարի մամուլի խոսնակ Սոնա Մարտիրոսյանը։ 
Ավելի վաղ նա հայտնել էր, որ տուն ինտերնատում վարակված է 45 անձ, նրանցից 28-ն ինտերնատի աշխատակիցներ են։ 
Մայիսի 21-ին Մարտիրոսյանը հայտնել էր, որ վարակված պացինետներից մեկը մահացել է, իսկ երեք հոգի ծայրահեղ ծանր վիճակում են։ Հայաստանում մայիսի 23-ի դրությամբ կորոնավիրուսով վարակի դեպքերը հասել են 6302-ի։ Վիրուսից մահացածների ընդհանուր թիվը 77 է, առողջացել է 2936 պացիենտ։