Նորքի տուն-ինտերնատի՝ կորոնավիրուսով վարակված 15 տարեցներից 12-ը գտնվում են հիվանդանոցում

Երեւանի Նորքի տուն-ինտերնատում կորոնավիրուսով վարակված 15 տարեցներից 12-ը գտնվում են հիվանդանոցներում: Այս լուրը NEWS.am-ի հաստատել է  ՀՀ աշխատանքի եւ սոցիալական հարցերի նախարարի մամուլի խոսնակ Սոնա Մարտիրոսյանը:

Սոնա Մարտիրոսյանը հայտնեց, որ տարեցներից մեկի վիճակը ծայրահեղ ծանր է, իսկ մյուսների վիճակը կայուն է:

Նա նշեց, որ եւս 3 հաստատված դեպք կա, սակայն ախտանիշներ չունենալու պատճառով մեկուսացված են տուն-ինտերնատում։

Սոնա Մարտիրոսյանն ասաց, որ դեռեւս ապրիլի 21-ից հաստատությունում ներս ու դուրս անելու հնարավորություն չի եղել. «Բժիշկները, խնամողները, բոլոր աշխատակիցներն աշխատում են հերթափոխով։ 14 օր մնում է մի խումբը, հետո՝ մյուս»։

Քաղաքականություն

Պատահարներ