Քաղավիացիայի ղեկավար Տաթեւիկ Ռեւազյանի վերաբերյալ գրառումը Դատախազությունն ուղարկել է ոստիկանություն: Այս լուրը NEWS.am-ին հաստատեց Գլխավոր դատախազի խորհրդական Գոռ Աբրահամյանը։

Նա նշեց, որ այն ուղարկվել է ոստիկանություն՝ ստուգման եւ հետագա ընթացքը որոշելու համար։

Հիշեցնենք, երեկ Տաթեւիկ Ռեւազյանը դուստր է ունեցել: Դրանից հետո shame.am կայքի խմբագիր Արտյոմ Խաչատրյանը ֆեյսբուքյան իր էջում գրառում էր արել՝ Ռեւազյանի եւ նրա դստեր հասցեին վիրավորանքներ հնչեցնելով։