Իսպանիայում վերջին մեկուկես ամսում արձանագրվել է կորոնավիրուսից մահացության ամենացածր ցուցանիշը
Իսպանիայում անցած օրվա ընթացքում COVID-19-ից մահացել է 164 մարդ: Դա ամենացածր ցուցանիշն է մարտի 18-ից ի վեր, հայտնում է El País- ը:
Ապրիլի 1-ին երկրում գրանցվել է մահացության ռեկորդ. այդ օրը մահացել է 950 հիվանդ: Համավարակի սկզբից մինչ այժմ երկրում մահացությունների ընդհանուր թիվը հասել է 25264-ի:
Օրվա ընթացքում վարակվածների թիվն աճել է ընդամենը 838-ով, սա վերջին շաբաթների նվազագույն ցուցանիշն է: Ընդհանուր առմամբ, հիվանդացել է 217466 մարդ:
Բուժվել է 118 902 իսպանացի: Այս ցուցանիշը մեկ օրում աճել է 1654-ով:
