Պատգամավոր Հրաչյա Հակոբյանը չունի քաղաքական պատասխանատվություն. Արսեն Բաբայան

ԱԺ պատգամավոր Հրաչյա Հակոբյանի հայտարարության հանգամամքների ստուգման նպատակով, վաղը՝ մայիսի 1-ին, ժամը 12:00-ին ՀՀ գլխավոր դատախազություն իրավապաշտպան Արսեն Բաբայանը հանձնելու է դիմում՝ պահանջելով պատգամավորի գրառման մեջ բարձրացված հարցերի շուրջ, որոնք պարունակում են հանցագործության առերեւույթ արարքների մասին դատողություններ, տրվի քրեաիրավական գնահատական։ Այս մասին ֆեյսբուքյան իր էջում գրել  է Արսեն Բաբայանը։

Նա, մասնավորապես, գրել է.

«Քանի որ պատգամավոր Հրաչյա Հակոբյանը չունի քաղաքական պատասխանատվություն, պետք է ենթարկվի քրեական պատասխանատվության

Ինչպես գիտեք պատգամավոր Հրաչյա Հակոբյանն իր այսօրվա հարց-հայտարարությամբ հանդես եկավ հանցագործության մասին հաղորդմամբ։

Հ.Հակոբյանի հայտարարության հանգամամքների ստուգման նպատակով, վաղը՝ մայիսի 1-ին, ժամը 12:00-ին ՀՀ գլխավոր դատախազություն եմ հանձնելու դիմում՝ պահանջելով պատգամավորի գրառման մեջ բարձրացված հարցերի շուրջ, որոնք պարունակում են հանցագործության առերեւույթ արարքների մասին դատողություններ, տրվի քրեաիրավական գնահատական։

Դիմումով բարձրացված հարցերի, Հրաչյա Հակոբյանի անպատասխանատու քայլերի, նրա կողմից կատարած զրպարտչության եւ այլ հանգամանքների շուրջ կխոսեմ վաղը, գլխավոր դատախազության մուտքի դիմաց»։