Անի Սամսոնյանը հաղորդում է ներկայացրել օգտատիրոջ կողմից Մարուքյանի նկատմամբ բռնության կոչեր հնչեցնելու համար
ԼՀԿ պատգամավոր Անի Սամսոնյանը հաղորդում է ներկայացրել ՀՀ դատախազություն «Հեղափոխության պահապաններ» անունը կրող խմբի անդամ Հայկ Ստեփանյանի կողմից իր ֆեյսբուքյան օգտահաշվի միջոցով ՀՀ Ազգային ժողովի երրորդ ընդդիմադիր քաղաքական ուժի՝ Լուսավոր Հայաստան Կուսակցության եւ դրա Կառավարման խորհրդի ղեկավար եւ համանուն խմբակցության ղեկավար Էդմոն Մարուքյանի նկատմամբ հրապարակային սպառնալիքներ եւ բռնության կոչեր է հնչեցնելու համար։ Այս մասին ֆեյսբուքյան իր էջում գրել է Անի Սամսոնյանը։
Նա, մասնավորապես, գրել է.
«ԻՆՔՆԱԴԱՏԱՍՏԱՆԸ ԾՆԵԼՈՒ Է ԻՆՔՆԱԴԱՏԱՍՏԱՆ
Այսօր հաղորդում եմ ներկայացրել ՀՀ դատախազություն «Հեղափոխության պահապաններ» անունը կրող խմբի անդամ Հայկ Ստեփանյանի կողմից իր ֆեյսբուքյան օգտահաշվի միջոցով ՀՀ Ազգային ժողովի երրորդ ընդդիմադիր քաղաքական ուժի՝ Լուսավոր Հայաստան Կուսակցության եւ դրա Կառավարման խորհրդի ղեկավար եւ համանուն խմբակցության ղեկավար Էդմոն Մարուքյանի նկատմամբ հրապարակային սպառնալիքներ եւ բռնության կոչեր է հնչեցնելու համար։
Միաժամանակ հարցում եմ ուղարկել Քննչական կոմիտե՝ տեղեկանալու, թե ինչ ընթացքում է գտնվում նախորդ հաղորդումս, որը կցել էին այդ խմբի կողմից քաղաքացուն ինքնադատաստանի ենթարկելու փաստի վերաբերյալ քննվող քրեական գործին։
Եվս մեկ անգամ նշեմ՝ իրավական պետությունում ինքնադատաստանը տեղ չունի եւ եթե իրավապահ մարմինները բավարար լուրջ մոտեցում չցուցաբերեն այս երեւույթի նկատմամբ եւ դրա պատասխանատուները չպատժվեն, ապա հավատացաք եղեք, որ դա հանգեցնելու է հասարակության, ինչպես նաեւ պետության ներքին անվտանգության լուրջ սպառնալիքի»։
