Գավառի միջադեպի վերաբերյալ ոստիկանությունը հորդորում է հետևել պաշտոնական տեղեկատվության․ սպասում ենք տեղեկատվությանը
Ինչպես արդեն հայտնել ենք Գավառ քաղաքի՝ Ազատության փողոցում, երեկ հնչել են կրակոցներ՝ ինչի հետեւանքով 2 հոգի մահացել են, 4 քաղաքացի տեղափոխվել հիվանդանոց։
Վիրավորված քաղաքացիներից երկուսը գտնվում էին Գավառի հիվանդանոցում, որոնց հետ, սակայն, ավելի ուշ հաշվերհարդար են տեսել: Հիվանդանոց ներխուժած մարդիկ ճեղքել են ոստիկանական պատն ու ապանել վերջիններիս: Տարածված լուրերի համաձայն՝ տեղում է եղել նաև ոստիկանապետ Արման Սարգսյանը:
Միջադեպից հետո ոստիկանությունը հաղորդագրություն տարածեց, որում նշում էր, որ ոստիկանապետ Արման Սարգսյանը հիվանդանոց ներխուժելու միջադեպի ժամանակ չի եղել հիվանդանոցի տարածքում։ Սակայն կարճ ժամանակ անց տվյալ հաղորդագրությունը ջնջվեց։ Auroranews-ը կապ հաստատեց ոստիկանության լրատվական ծառայություն՝ հասկանալու ինչ իրավիճակ է Գավառում։
Մեր բոլոր հարցերին ի պատասխան՝ ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը նշեց, որ պաշտոնական տեղեկություն կլինի։ Երբ կլինի այդ հայտարարությունը դեռ պարզ չէ: Զարզանդ Գաբրիելյանը կոչ արեց բոլոր լրատվամիջոցներին հետեւել միայն պաշտոնական տեղեկատվությանը եւ այլ աղբյուրներից չճշտված տեղեկություններ չհրապարակել:
