9 տարի առաջ գործադրված դաժանությունը և ձերբակալվածներին մահակներով ծեծելն իմ մեղքն է. Վրաստանի նախկին վարչապետ
Վրաստանի նախկին վարչապետ Վանո Մերաբիշվիլին , «Главные акценты» հաղորդման ժամանակ, խոսելով 2011թ. մայիսի 26-ին հանրահավաքը կոպտորեն ցրելու մասին, հայտարարել է, որ հատուկ նշանակության ուժերի կողմից գործադրված դաժանությունը և ձերբակալվածներին մահակներով ծեծելն իր մեղքն է: Այս մասին հայտնում է «Գրուզիա օնլայնը»: Մերաբիշվիլին նշել է, որ հատուկ նշանակության ուժերը լավ վարժեցված չէին և կարողանում իրենց վերահսկել: «Ես չկարողացա հատուկ նշանակության ջոկատներին վարժեցնել այնպես, որ նրանք կարողանան ճգնաժամային իրավիճակներում իրենց վերահսկել: Դա նրանց մեղքը չէ, սա իմը: Ես ինձ չեմ արդարացնում: Այդ հատուկ ջոկատայինները մի քանի շաբաթ առաջ հերթապահում էին Ցխինվալի դիրքերում և երեք-չորս ամիսը մեկ դառնում էին հարձակման զոհ: Մենք չունեինք բավականաչափ միջոցներ, որպեսզի ունենայինք առանձին հատուկ նշանակության ուժեր, որ կարողանայինք նրանց առանձին տեղայնացնել ցույցերի ժամանակ»,- ասել է Մերաբիշվիլին:
Հիշեցնենք, որ 2011թ. մայիսի 26-ի գիշերը հատուկջոկատայինները դաժանաբար ցրել էին Նինո Բուրջանաձեի գլխավորած բողոքի ցույցը (ինքը՝ Բուրջանաձեն, փախուստի էր դիմել հանրահավաքը ցրելուց մի քանի րոպե առաջ):
