20-30 հազար դրամ տուգանք՝ հաշմանդամների համար նախատեսված կայանատեղիներում կայանելու համար

Երեւանի ավագանու նիստում  Երեւանի քաղաքապետ Հայկ Մարությանը հայտարարեց, որ հաշմանդամների ավտոմեքենաների կայանման համար նախատեսված տեղում կայանելը չի կարող համարվել ընդամենը սխալ վայրում կայանում, որի տուգանքը 5 հազար դրամ է: «Չի կարող այդպես լինել, առնվազն 20 հազար դրամ պետք է լինի, եթե ոչ ավելի: Սա ամբողջ աշխարհում ընդունված  պրակտիկա է, որ բավական բարձր տուգանքներ են գործում՝ 300 դոլարին կամ եվրոյին համարժեք են այս կարգի խախտման համար: Բնականաբար, մեզ մոտ այդ կարգի բարձր չեն կարող լինել, բայց եթե 20-30 հազար դրամի տուգանք սահմանվի եւ մեր ՃՈ-ն հետեւից, կարծում եմ՝ արդյունք կտա»,-ասաց Մարությանը: