Կուրթանցի Մեխակը շուտով նոր տուն կունենա․ գնորդն էլ կանի տան բացումը. NEWS
Կուրթանցի Մեխակը շուտով նոր տուն կունենա։ Այս մասին NEWS.am-ին հայտնել է Մեխակը։
«Երեւի ուզում են ինձ տուն տալ։ Կանչեցին Երեւան, ես ու վարչական ղեկավարը գնացինք, կադաստրով շուռ տվին իմ վրա տունը, ով առել է այդ տունը նա էլ կգա բացումը կանի, նոր կմոտենանք տանը։ Հիմա դեռ հստակ ոչինչ չեմ կարող ասել։ Արդեն գուշակում եմ, որ իմ տունն է լինելու»,- պատմեց նա։
Մեխակը հայտնեց, որ տունը գտնվում է Կուրթան համայնքում. «Հեռվից տեսել եմ, ասում են՝ մինչեւ օգնողները չգան, բացումը չանեն, ոչ մի դեպքում տանը մոտենալ չի կարելի»։
Նա ասաց, որ շատ երջանիկ է իրեն զգում. «Չնայած, որ մինչեւ բանալիները ձեռքումս չլինեն, չեմ ուզում ոչինչ ասել»։
