Իտալիայում կորոնավիրուսից մեկ օրում 333 մարդ է մահացել. The Guardian

Իտալիայում «Քովիդ-19» կորոնավիրուսից մահացածների թիվը վերջին մեկ օրում ավելացել է 333-ով, որը 73-ով ավելին է կիրակի գրանցված տվյալից:

Այս մասին հայտնում է The Guardian-ը՝ նշելով, որ կորոնավիրուսով պայմանավորված հիվանդությունից մահացության ցուցանիշը երկրում հասել է 26 977-ի:

Նշվում է, որ ներկա պահին ակտիվ վարակակիրների թիվը նվազել է 290-ով՝ հասնելով 105 713-ի:

Մինչ օրս կորոնավիրուսիի ամենից շատ տուժած եվրոպական երկրում վարակման 199 414 դեպք է գրանցվել, որոնցից 66 624-ն ապաքինվել են: