ԼՈՒՍԱՆԿԱՐՆԵՐ. Կացարանները հարուստ են՝առնետներով և բազմատեսակ միջատներով». 2020 թվական, Աշոտաբերդ թաղամաս

Ստեփանավանի Աշոտաբերդ թաղամասի կացարանները գտնվում են ծայրահեղ ծանր վիճակում: Այս մասին  իր ֆեյսբուքյան էջում գրել է օգտատեր Արթուր Միրզոյանը:

«2020 թվ քաղաք Ստեփանավան՝ Աշոտաբերդ թաղամաս.....

Թաղամասը բաղկացած է փայտաշեն կացարաններից և տրվել է ՝երկրաշարժից բնակարան կորցրած բնակիչներին՝ԺԱՄԱՆԱԿԱՎՈՐ։ 

Անցել է 31 տարի և կացարանները գտնվում են ծայրահեղ ծանր վիճակում ի դեպ թաղամասը գազաֆիկացված չի և ջեռուցվում է փայտով կամ հոսանքով(մեկ սենյակ)։Թաղամասի մասին հիշել են միայն ընտրությունների նախաշեմին կամ ողբերգական դեպքերի ժամանակ(ի դեպ հրդեհի պատճառով եղել են զոհեր) սուտ ու փուչ խոստումներով։

Կացարանները հարուստ են՝առնետներով և բազմատեսակ միջատներով,բնակիչների մեծամասնությունը տառապում են մի շարք հիվանդություններով (սնկային,ֆարինգիտ և այլն) ինչը պայմանավորված է նեխած փայտի հետ։ 

Հիմա կարևորը՝պետությունը պարտավորություն չի կրում թաղամասի բնակիչների համար, քանի որ նախկին իշխանությունը կացարանների ժամանակավոր լինելը փոխարինել են մշտական կացարաններով։ 

Կոչ եմ անում, հորդորում և խնդրում եմ բոլոր բնակիչների անունից՝պատկան մարմիններին,շուտափույթ լուծումներ գտնել այս թաղամասի համար,այլապես համբերության բաժակը լցվում է և այս անմարդկային պայմաններում գոյատևելը անհնար է։

Շնորհակալություն ուշադրության համար»,- գրել է նա։