Շատ տնտեսվարողներ խուսափում են 1-3-րդ ծրագրերին դիմելուց․ Գորգիսյան
Կառավարության հակաճգնաժամային 1-3-րդ ծրագրերին շատ տնտեսվարողներ խուսափում են դիմել, որովհետև վստահ չեն՝ ի վիճակի լինելո՞ւ են վերադարձնել վարկային միջոցները, թե՞ ոչ։ Այս մասին այսօր Ազգային ժողովում հայտարարեց ԼՀԿ պատգամավոր Գևորգ Գորգիսյանը։
Մեկ այլ խնդիր, ըստ Գորգիսյանի, այդ տնտեսվարողների վարկային պատմություններն են։ Պատգամավորի խոսքով՝ քանի որ շատ կոշտ ֆիլտրեր են դրված, շատ կազմակերպություններ դուրս են մնում ծրագրերից, ու նրանց գոյությունը վտանգվում է։
Ինչ վերաբերում է քաղաքացիների աշխատանքի գնալուն, նա նշեց, որ մարդիկ ստիպված են տաքսիներին վճարել իրենց ամբողջ աշխատավարձը։ Գորգիսյանը վստահեցնում է, որ ավտոբուսներով և մետրոյով հնարավոր է ապահովել սոցիալական հեռավորությունը և կազմակերպել մարդկանց փոխադրումը։
