ՊԵԿ նախագահ Դավիթ Անանյանն այսօր Ազգային ժողովում պատասխանեց այն մտահոգությանը, որ որոշ խոշոր հարկատուներ չեն կարողանում օգտվել կառավարության ներկայացրած հակաճգնաժամային ծրագրերից փոքր վճարային ուշացումների պատճառով։ Այս խնդիրը բարձրացրել էր ԼՀԿ ղեկավար Էդմոն Մարուքյանը։

Անանյանը բացատրեց, որ հաշվի առնելով այդ մտահոգությունները իրենք կառավարությունում մի քանի անգամ վերանայել են, թե ինչ են նկատի առնում բարվոք վարկային և հարկային պատմություն դիտարկելիս։ ՊԵԿ ղեկավարը նշեց, որ մի քանի անգամ մեղմացրել են դիմելու պայմանները տնտեսվարողների համար և շարունակում են դիտարկել այլ հնարավորություններ։

Մյուս կողմից Անանյանը նշեց, որ չեն կարող շատ մեղմացնել, հակառակ դեպքում կխարխլեն բարվոք հարկային պատմության գաղափարը։