Ուկրաինայի նախագահը խորհուրդ է տալիս մտածել գոյատևման մասին
Ուկրաինայի նախագահ Վլադիմիր Զելենսկին կորոնավիրուսի դեմ պայքարի պայմաններում ուկրաինացիներին խորհուրդ է տալիս մտածել հարմարավետության և գոյատևման մասին: Այս մասին հայտնում է Известия-ն: Նրա կարծիքով՝ երկրում կան հաց, կարագ, կաթ և ձավար, ինչը նշանակում է, որ համավարակը հաղթահարելու բոլոր շանսերը կան: «Կհաղթահարենք կորոնավիրուսը, մեկուկես ամիս կանցնի, կհաղթահարենք, եթե անկեղծ: Ես դրանում վստահ եմ»,- ասել է Զելենսկին ապրիլի 17-ին «Ուկրաինա» հեռուստաալիքի եթերում: Նա նաև հավելել է, որ ապրիլի 24-ին Ուկրաինայի իշխանությունները ծրագրում են մեղմել կարանտինի պայմանները:
Նախագահի կարծիքով՝ մարդիկ պետք է վերադառնան աշխատանքի: Սահմանափակումների չեղարկումը, սակայն, հնարավոր կլինի այն դեպքում, եթե իրավիճակն ավելի չսրվի: Հիշեցնենք, որ վերջին տվյալներով՝ երկրում վարակվել է 4.6 հազար մարդ, մահացել՝ 125-ը:
