Covid-19. Իսպանիայում մեկ օրում 565 մարդ է մահացել

Իսպանիայի առողջապահության նախարարությունը հայտնում է, որ  կորոնավիրուսի հետևանքով վերջին մեկ օրում 565 մարդ է մահացել, նախօերին մահվան 585 դեպք էր գրանցվել: Այսպիսով Covid-19-ով պայմանավորված հիվանդությունից երկրում մահացածների թիվը հասել է 20 043-ի: Համաճարակի բռնկման պահից ի վեր վարակվել է 191 726 մարդ:  Թեստավորումների քանակը երկրի ողջ տարածքում ավելացվել է: 
Նշվում է, որ վերջին 24 ժամում կորոնավիրուսից մահացածների թվում է նաև Իսպանիայի ականավոր բժիշկներից մեկը՝ Խեսուս Վակերոն, որը ղեկավարում էր Մադրիդի Puerta del Hierro հիվանդանոցի նյարդավիրաբուժության բաժանմունքը: