Կառավարության նիստի ժամանակ աշխատանքի և սոցիալական հարցերի նախարարը տեղեկացրեց, որ կառավարության հակաճգնաժամային 9-րդ ծրագրով առջին վճարումները կլինեն վաղը։ Մոտ 20 հազար մարդ կստանա աջակցություն, և գործընթացը կշարունակվի։

Իսկ 8-րդ ծրագրով, ըստ Զարուհի Բաթոյանի, արդեն 44 հազարից ավելի վճարումներ են իրականացվել այն անձանց, որոնք ներկայացրել են իրենց անձնական քարտի համարը։ Այստեղ նույնպես, ըստ Բաթոյանի, գործընթացը շարունակվում է, իրականացվել է 3 միլիարդ դրամի վճարում։

Այս ծրագրով հաստատումից հետո քաղաքացին նաև SMS է ստանում։ Բաթոյանն ասաց, որ քաղաքացիները պետք է ուշադիր լինեն այդ նամակները տեսնելու համար։

Վարչապետ Նիկոլ Փաշինյանը նշեց, որ եթե մարդը համապատասխանում է չափանիշներին, ապա եթե ոչ այսօր, ապա օրեր անց պարտադիր ստանալու է իր աջացությունը։