Ոստիկանության Մաշտոցի բաժին բերման ենթարկված կնոջ խուզարկությամբ մարիխուանա է հայտնաբերվելել
Ոստիկանության Մաշտոցի բաժնի ծառայողներն, իրացնելով օպերատիվ տվյալները, Հալաբյան փողոցից, թմրանյութ պահելու և օգտագործելու կասկածանքով ոստիկանություն բերման են ենթարկել Արարատի մարզի մի բնակչուհու։
Նրա անձնական խուզարկությամբ հայտնաբերվել է 10 գրամից ավելի դեղնականաչավուն զանգված։
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապերի և լրատվության վարչությունից, ըստ կնոջ հայտնածի՝ հայտնաբերվածը մարիխուանա է, պահել է իր օգտագործման համար։
Նշանակվել է փորձաքննություն։
Նախապատրաստվում են նյութեր։
Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
