Մեծ Բրիտանիայում կորոնավիրուսի հետևանքով ավելի քան 12 000 մարդ է մահացել
Մեծ Բրիտանիայում կորոնավիրուսի համաճարակի բռնկման սկզբից ի վեր երկրում 12 107 մարդ է մահացել: CNN-ի փոխանցմամբ՝ երկրում հիվանդության տարածման վերաբերյալ վերջին տվյալները հայտնել է Առողջապահության և սոցիալական խնամքի վարչությունը:
Գերատեսչության տվյալներով՝ վերջին մեկ օրում կորոնավիրուսից 778 մարդ է մահացել: Նշվում է, որ վիճակագրությունը ներառում է միայն հիվանդանոցներում արձանագրված մահվան դեպքերը:
Երկրում կորոնավիրուսով վարակվել է 93 873 մարդ, որոնցից ակտիվ վարակակիր են 81 422-ը:
