Կա պետական համակարգի աշխատակիցների արդար վարձատրության հարց․ Լենա Նազարյան
«Հայաստանում կա պետական համակարգի աշխատակիցների արդար, այսինքն՝ համաչափ վարձատրության հարց։ Նկատի ունեմ ոչ միայն բարձրաստիճան պաշտոնյաների վարձատրության հարցը, այլև ամբողջ համակարգի՝ վերից վար»,- այս մասին Ազգային ժողովի փոխնախագահ Լենա Նազարյանը հայտնեց իր այսօրվա հայտարարության ժամանակ։
Նա նշեց, որ խոսքը պետք է դիտարկել այլոց՝ նույն պետական համակարգի ներսում և այլ հանրային ոլորտներում աշխատողների՝ ուսուցիչների, բուժաշխատողների, իրավապահ համակարգի ծառայողների աշխատավարձերի բարձրացման համատեքստում։
Նազարյանն ասաց, որ հիմա կառավարությունը կադրային խնդիր է լուծում, որի արդյունքում լուծվելու են բոլորի բարեկեցության հարցերը։
