Եթե ասեմ՝ զինվորի համազգեստը պղծողի ականջը պետք է ոլորել, ինձ պատասխանատվության կենթարկե՞ն․ Պետրոսյան
Ազգային ժողովում բռնության կոչերի քրեականացմանը միտված նախագծի քննարկման ժամանակ ԲՀԿ պատգամավոր Գևորգ Պետրոսյանը հիշատակեց զինվորի համազգեստով «մեյմունության անելու» տարածված տեսանյութի հեղինակին։
«Եթե ասեմ՝ զինվորի համազգեստը պղծողի ականջը պետք է ոլորել կամ դրան պետք է պատժել, ինձ սրա համար պիտի տանեն, պատասխանատվության ենթարկե՞ն», – ասաց Պետրոսյանը։
Նա գովելի է համարում եվրոպական իրավունքի բարձունքներին ձգտելը, սակայն պնդում է, որ չպետք է մոռանալ հայ լինելն ու ավանդական արժեքները։ Պետրոսյանը հիշեցրեց, որ պատմությունից պետք է դասեր քաղել։
