Երաշխավորում եմ բոլորիդ անվտանգությունը. Լուկաշենկոն ԵԱՏՄ-ի գործընկերներին հրավիրել է Մինսկ
Բելառուսի նախագահ Ալեքսանդր Լուկաշենկոն Եվրասիական տնտեսական միության իր գործընկերներին հրավիրել է մայիսի 19-ին Մինսկում ԵԱՏՄ անդամ երկրների ղեկավարների գագաթնաժողովին: Այդ մասին նա հայտարարել է Եվրասիական բարձրագույն տնտեսական խորհրդի անդամների տեսակապով աշխատանքային հանդիպման ընթացքում: Այս մասին հայտնում է RIA Novosti-ն:
«Ես սպասում եմ բոլորին Մինսկում, երաշխավորում եմ բոլորիդ բացարձակ անվտանգությունը: Ես վստահ եմ, որ ձեզ համար, ինչպես միշտ, հաճելի կլինի մեր երկրի մայրքաղաքում լինելը»,- ասել է Լուկաշենկոն:
Լսելով Բելառուսի նախագահի հրավերը՝ ՀՀ վարչապետ Նիկոլ Փաշինյանը և Ղրղզստանի նախագահ Սոորոնբայ Ժեննբեկովը ծիծաղել են, Ղազախստանի նախագահ Կասիմ-Ժոմարտ Տոկաևը գլխով գոհունակության նշան է արել, իսկ ՌԴ նախագահի դեմքի և ոչ մի մկանը չի շարժել։
