Այս պահին ՀՀ Զինված ուժերում կորոնավիրուսով վարակված զինծառայողների շրջանում ծանր կամ ծայրահեղ ծանր վիճակում գտնվող զինծառայող չկա, արհեստական շնչառության սարքին միացված զինծառայող ևս չկա: Այս մասին Կառավարության մամուլի կենտրոնում հրավիրված ասուլիսի ժամանակ, անդրադառնալով ԶՈՒ-ում համաճարակային իրավիճակին, ասաց ԶՈՒ ռազմաբժշկական վարչության պետ Սահակ Օհանյանը:

Նա չհրապարակեց թե՛ բուժվող, թե՛ մեկուսացված զինծառայողների թիվը եւ թե՛ այն վայրերը, ուր նրանք գտնվում են՝ հավաստիացնելով. «Ե՛վ բուժվողների, ե՛ւ մեկուսացվածների համար ստեղծված են գերազանց պայմաններ: Ամենօրյա տեղեկատվությամբ դուք կիմանաք, որ մեր զինծառայողներն ավարտելու են բուժումն ու դուրս են գալու շարունակելու իրենց ծառայությունը»:

Օհանյանը հասվաստիացրեց, որ  այդ թիվը չնչին է, իսկ այսօր առավոտյան ժամը 11.00-ի դրությամբ 6 զինծառայող ավարտել է բուժումը և վերադարձել ծառայության: