Գերմանիայում կորոնավիրուսով վարակվելուց հետո ապաքինվածների թիվը համաճարակի սկզբից ի վեր առաջին անգամ գերազանցել է վարակվածների թվին: Այս մասին կիրակի հայտնել է Բեռլինի Ռոբերտ Քոխի անվան վիրուսաբանության ինստիտուտը, փոխանցում է ՏԱՍՍ-ը:

Ինստիտուտի տվյալներով, որը ենթարկվում է երկրի առողջապահության նախարարությանը, Գերմանիայում վարակման հաստատված դեպքերի թիվը կազմում է 120 479: Ապաքինվել է 60 200 հիվանդ, մահացել է 2 673 մարդ։ Այսպիսով, վարակվածների թիվը կազմում է 57 606։

Ապրիլի 8-ին հաղորդվել էր, որ Գերմանիան վարակվածների ընդհանուր թվով հինգերորդ տեղում է: Մինչդեռ գերմանական կլինիկաներում կորոնավիրուսի պատճառով մահվան դեպքրեն ավելի քիչ են, քան Իտալիայում, Ֆրանսիայում եւ Իսպանիայում. Գերմանիայում մահացությունը չի գերազանցում երկու տոկոսը։