Կորոնավիրուսի տարածվածությամբ՝ Թուրքիան աշխարհում 4-րդ տեղում է
Կորոնավիրուսից ամենից շատ տուժած երկրների ցանկում Թուրքիան աշխարհում 4-րդ տեղն է զբաղեցնում։ Վարակվածնների թվով Թուրքիան զիջում է միայն ԱՄՆ-ին, Անգլիային ու Իսպանիային։ Վերջին 24 ժամվա ընթացքում ԱՄՆ–ում գրանցվել է 17․668 նոր դեպք, Անգլիայում՝ 5․491, Իսպանիայում՝ 4․748, իսկ Թուրքիայում՝ 4․117 դեպք։ Այս մասին հայտնում է Ermenihaber-ը:
Ուշագրավ է, որ Թուրքիայում մեծ է 60 տարեկանից ցածր տարիքային խմբին պատկանող հիվանդների մահացության ցուցանիշը։ Այսպես, եթե Իսպանիայում կորոնավիրուսից մահացած առաջին 805 անձանց մեջ մինչև 60 տարեկանները կազմում են ընդամենը 4․5 տոկոս, իսկ Իտալիայում առաջին 1625 զոհերից միայն 1․7 տոկոսն էին մինչև 60 տարեկան, ապա Թուրքիայում այդ ցուցանիշը 20 տոկոս է։
