Վրաստանը խստացրել է վերահսկողության չափանիշները Վերին Լարսում

«Ռուսթավի-2» ՀԸ-ի հաղորդմամբ՝ վրաց-ռուսական սահմանի Վերին Լարս անցակետի մոտ դաշտային վրան է տեղադրվել: Սահմանը հատող յուրաքանչյուր քաղաքացի ջերմաչափվում է, կասկածելի ախտանիշների դեպքոոմ  մարդը կտեղակայվի վրանում, այնուհետև կտեղափոխվի բժշկական հաստատություն, որտեղ բժիշկները կպարզեն՝ արդյո՞ք տվյալ անձը վարակված չէ կորոնավիրուսով:

Բացի այդ, Վրաստան մուտք գործող քաղաքացիները պարտավոր են անցնել երկշաբաթյա կարանտին Գուդաուրի առողջարանում գտնվող կարանտինային գոտում: Այս մասին լրագրողներին ասել է Մցխեթա-Մթիանեթի ղեկավար Շալվա Կերեսելիձեն:

Նրա խոսքով՝ անցակետում անվտանգության ստանդարտների խստացման նպատակն է կանխել կորոնավիրուսի մասշտաբային տարածումը:

Ավելի վաղ հայտնել էինք՝ ՊԵԿ-ը վարորդներին հորդորում է հետևել Վրաստանով բեռնատարների տեղաշարժի կանոններին:

 

Քաղաքականություն

Պատահարներ