Մինչև արտակարգ դրության ավարտը լույսի, գազի, ջրի անջատումներ չեն լինի. վարչապետ

Մինչև արտակարգ դրության ավարտը քաղաքացիներին մատակարարվող էլեկտրաէներգիայի, բնական գազի և խմելու ջրի դիմաց չվճարելու դեպքում անջատումներ տեղի չեն ունենալու: Այս մասին այսօր ֆեյսբուքյան եթերում հայտարարեց ՀՀ վարչապետ Նիկոլ Փաշինյանը: Նա նշեց՝ այս իրավիճակը հայտարարվել է ֆորսմաժորային, ինչ վերաբերում է հետագա վճարումներին՝ սոցիալական աջակցության միջոցառումներ են իրականացնում:

«Մենք կհետևենք դրանց իրականացման արդյունավետությանը, ըստ անհրաժեշտության՝ այդ որոշումների մեջ կկատարենք կարգաբերումներ, որ հնարավորինս էֆեկտիվ լինի, և մեր քաղաքացիները սոցիալական դժվարությունները կարողանան առավելագույնս էֆեկտիվ հաղթահարել»,- ասաց նա;