Մարտին բարձրաստիճան պաշտոնյաները պարգևավճար չեն ստանա, գումարը կուղղվի կորոնավիրուսի դեմ պայքարին․ Փաշինյան

«Իմ որոշմամբ՝ մարտ ամսին բարձրաստիճան պաշտոնյաները պարգևավճար չեն ստանալու, և այդ գումարները օգտագործվելու են կորոնավիրուսի դեմ պայքարի համար», – այս մասին իր ֆեյսբուքյան ուղիղ միացման ժամանակ հայտարարեց վարչապետ Նիկոլ Փաշինյանը։

Վարչապետը, սակայն, ուշադրություն դարձրեց այն հանգամանքի վրա, որ շատ է հիշատակվում պաշտոնյաների պարգևատրման հանգամանքը։ Նա հաշվարկեց, որ դրան տարեկան ուղղվում է մեկ միլիարդ դրամ։ Եվ եթե այդ գումարը բաժանվի Հայաստանի թոշակառուներին, ապա ամեն թոշակառուի ամսական թոշակը կբարձրանա ընդամենը 165 դրամով։

Նա նշեց, որ 2020 թվականին արդեն իսկ այդ 165 դրամից 24 անգամ ավելի գումարով բարձրացրել են թոշակառուների թոշակները։ Իսկ պարգևավճարներով, ըստ Փաշինյանի, իրենք լուծում են այլ խնդիր՝ ապահովում են այլ մարդկանց աշխատավարձերի բարձրացումը։

Քաղաքականություն

Պատահարներ